打完波後都忙著，都未有時間打番個總結。
由當初三年前聽到雞糊欖球會有意想打上更高既組別，我一口答應了，因為好希望一班華人球員可以打上更高水平欖球，連續2季都成功打入了季後賽決賽，但總是同冠軍寶座擦身而過。
今季球隊經歷好多球員受傷而曾經低沈過，由聯賽第一回合首名到分開兩組頭四名再戰多各兩回合，戰敗兩場由首名跌落第三名。
個刻我都諗究竟今季係咪咁快就完結？
去到半準決賽對小組第二名，幸運地勝利了，者係可以再次打入決賽了。
其實今季對我而言發生了太多太多事，其實心態同體能上都不是一回事！曾經有次我講過我真係好累，累到我唔想去 Tackle
到上星期六決賽天，我決定照舊工作去，可能咁樣係我一個習慣吧，要消耗一些體能先打波...
今場波雙方都咬得好緊，腳跟感覺到應該有些撕裂，但一直撐下去，總於我地憑著一個罰球勝出了。
呢個盃得來不易，大家付出左不少血汗時間經歷左好多考驗終嘗所願得到了！
如果你問我開不開心？我會話你知我開心，但同時都有一個遺憾，但我不在這裡說吧。
經歷左咁多野，未必各方面都得好，做任何野都會有好多聲音去談及，不論好壞都好。
多謝所有曾經批評過，鼓勵過我既人，好多事係需要經歷才懂得去成長，你地都係我成長入面既肥料！
Search